Хусусий сектор вакили бўлсамда, давлат хизмати тизимини доимий кузатиб бораман
Очиқ айтиш керак, кейинги йилларда юртимизда фуқаролик хизматига кириш истагини билдирган номзодларни очиқ мустақил танлов орқали саралаб олиш бўйича ижобий натижаларга эришилди.
Пировардида, маҳаллалардаги ҳоким ёрдамчилари, ёшлар етакчилари, хотин-қизлар фаолларига ҳаракатчан, ўз устида ишлайдиган, садоқатли кадрлар кириб келди ва энди уларнинг меҳнат фаолиятида юртимизда олиб борилаётган ислоҳотлар намоён бўлмоқда, ўхшатма қилиб айтганда, “кадрларнинг қони тозаланмоқда”.
Президентимизнинг фикрларидан тушунишимча, галдаги вазифа — вазирликлар, қўмиталар ва давлат ташкилотлари ўртасидаги ахборот тизимларини янада замонавийлаштириб, очиқ, содда платформалар яратиш орқали халқ ҳаётини енгиллаштириш ва рози қилиш мақсад қилинган.
Назира Мухитдинова,
IT Park Жиззах филиали директори
